Wär sy Mir

Gründet worde sy im 2015 ursprünglich d Rhy-Waggis. Zämmegwirflet us vier schuelgoofe miteme glaine Wäägeli hänn mir im 2016 s erscht mol welle Fasnacht mache.

Doch dr Ruedi hett im facebook e Waggiswaage gseh fir wenig gäld und hett gratt zuegschlage. So hänn d Rhy-Waggis vo ahfang ah e Waage gha.

Bis im 2020 hetts uns in däre Form gäh. 

Ze de Rhy-Waggis hett au dr Schnitzelbangg Schottisch-Halbhoch gheert, ihn gitts nur no als Ainzelmasgge am s'Schotte-Röggli, unsere Vorfasnachtsverahstaltig in Prattele.

D Waageclique die verruggte Hüener hänn ändi 2020 ihre Waage durch e Brand verlore.

Dr Ruedi vo de Rhy-Waggis hett denn dr voorschlag an die verruggte Hüener brocht, ass mir doch kennte fusioniere.

Noch mehrere gsprööch und e huffe gedangge ze dem thema, hänn mir gfunde: " Doch, so mache mirs!"

So hänn mir jetzt zämme ai Waageclique mitem name " die verruggte Rhy-Waggis 2015".

Mir freye uns und e huffe tolli momänt mitenand.

Mittlerwyyle sy mir zenere glaine Familie worde und hänn scho e huffe tolli Erinnerige und Erläbnis.

Vo 2015 bis und mit 2023 sy mir jewyyls in Prattele, Fränkedorf und Muttenz an de Umzüg gfahre.

Vom 2024 ah wärde mir in Chaiseraugst, Prattele und Muttenz fahre.

Haisst: Fränkedorf fallt wäg und Chaiseraugst kunnt derzue.

Mir mache an folgende Umzüg in dr Region mit:

Samstig Chaiseraugst

Sunndig Prattele

Samstig Muttenz